Талғар агробизнес және менеджмент колледжінің  арнайы пән оқытушысы Қойшыбекова Арайлым    2 курс білім алушыларымен «Оқуға құштар колледж» жобасы аясында  «Ақындар жырлаған туған өлке» атты  әдеби қонақ үйін өткізді. Білім  алушылар  1-бөлімде экранда  тұрған ақындардың өмірі мен шығармашылығы жайлы мағлұматтар берді. 2-бөлімде қазақ ақындарының Туған жер, Отан, Туған ел туралы өлеңдерін мәнерлеп, жатқа оқыды. 3-бөлімде  мақал- мәтелдер айтып, туған жерге деген ойларын ортаға  салды.

https://youtube.com/shorts/Q9VLp0XL5uI?feature=share

2025 жылғы 30 сәуірде Талғар агробизнес және менеджмент колледжінде Қазақстан халқының бірлігі күніне арналған «Әрқашан гүлден, туған өлкем» мерекелік іс-шарасы өтті. Колледж директоры Динара Боларбекқызы Бозымбекова құттықтау сөз сөйледі. Жас мамандар мен 1 курс білім алушылары  ұйымдастырған іс-шара барысында Қазақстан халқының бейбітшілігін, келісімі мен бірлігін жырлайтын өлеңдер  оқылып, ән айтылып, би биленді.

https://youtube.com/shorts/41UZmOrFbb4

Жұмысшы мамандықтар жылы аясында Талғар агробизнес және менеджмент колледжінде Алматы облысы Кәсіпкерлер Палатасының Талғар аудандық филиалының директоры Қалжанов Айдос Ермекұлының қатысуымен "Талғар ауданының кәсіптер әлемі" конференциясы өтті.Талғар қаласында орналасқан үш колледждің жас мамандары өз мамандықтары туралы тәжірибе және білім алмасып, оларды бейнероликтер мен презентациялар форматында ұсынды. Конференция қорытындысы бойынша Талғар политехникалық колледжі "Үздік презентация" номинациясында, Талғар агробизнес және менеджмент колледжі "Үздік шығармашылық команда" номинациясында, ал Талғар жоғары медициналық колледжі "Үздік бейнеролик"номинациясында жеңімпаз атанды.

https://youtube.com/shorts/h-FDrkkOW6k

«2025 жыл –Жұмысшы мамандықтары жылы»  аясында жұмысшы кәсіптерінің абыройын арттыру, жас жұмыскерлерге қазіргі еңбек нарығында сұранысқа ие практикалық дағдылар мен жоғары біліктіліктерді алу мүмкіндігін беру мақсатында   Алматы облыстық Білім басқармасының ұйымдастыруымен  2025 жылдың 23-25 сәуір аралығында    Алматы облысының «WorldSkills Qonaev- 2025» аймақтық      чемпионаты өткізілді. 

Жұмысшы мамандардың дүбірлі додасында  Талғар агробизнес және менеджмент колледжінен қатысқан  білім алушылар «Шанақ жөндеу» құзіреттілігі бойынша  Жақыпбаев  Данияр Өркенұлы 1-орын, жетекшісі Әбдіш Нұршат, «Жеңіл автокөліктерге техникалық қызмет көрсету»  құзіреттілігі бойынша   Асқарбек Бекнұр 1-орын, жетекшісі  Бозымбеков Қайрат, «Бизнеске арналған IT шешімі» құзіреттілігі бойынша 2 курс білім алушысы  Рашитов Рамиль 3-орын, жетекшісі Тарақов Дәнеш, «Мобильді қосымшаларды әзірлеу» құзіреттілігі бойынша  Мамиров Амир 3-орын, жетекшісі Алпысбаева  Айгүл, «Желілік  және  жүйелік  әкімшілендіру» құзіреттілігі бойынша  Әлімжан Нұрбақыт Жарқынұлы  қатысқаны үшін Сертификат, жетекшісі Әменова Мереке, колледж мәртебесін көтеріп, абыройын асқақтатты