Желтоқсан айының жиырма сегізінші жұлдызында колледж психологы және 1 Зем 9 А топ жетекшісімен білім алушыларының ұйымдастыруымен жасөспірімдердің арасындағы суицид дертінің алдын алу мақсатында «Мен өмірді сүйемін!» атты ашық тәрбие сағаты өткізілді. Іс-шара барысында аталған тақырыпта өлең жолдары оқылып, көріністер қойылып, топтың дайындауындағы бейнеролик көрсетілді.

Dim lights Embed Embed this video on your site

Қазақстан Республикасы Тәуелсіздігінің 30 жылдығына орай, Талғар аудандық жастар ресурстық орталығы мен Талғар жоғары медициналық колледжінің ұйымдастыруымен студенттер арасында волейболдан жарыс ұйымдастырылып, тартысты сайыстан біздің колледждің құрама командалары: Ұлдар арасындағы сайыста— жүлделі І-ші орын; Қыздар арасындағы сайыстан —жүлделі ІІ-ші орынды жеңіп алды. Жеңімпаз командаларды жастар ресурстық орталықтың жетекшісі Замира Нұрланқызы Қалымбетова сыйлықтар және дипломдармен марапаттады. Тренерлеріміз Жулдыз Дюсембаева, Шапағат Аметханов және Беков Бақыт оқытушыларымызға алғысымыз шексіз! Біздің спорт сүйер студенттерімізді, колледж мақтаныштарын жеңістерімен құттықтаймыз! Жеңісті күнде жолыққанша!

2021 жылдың 29 қараша және 4 желтоқсан аралығында Қазақстан Республикасы тәуелсіздігінің 30 жылдығына орай Талғар агробизнес және менеджмент колледжінің бірінші, екінші және үшінші курс студенттерінің арасында ВОЛЕЙБОЛДАН турнир өткізілді. Турнир қорытындысы бойынша: 1 курстар арасында І орын-1 То и Рем 9 А; ІІ орын-1 Вет 9 А; ІІІ орын -1 Электрик 9 А; 2 курстар арасында І орын-2 То и Рем 9 А; ІІ орын -2 Зем 9 А; ІІІ орын -2 Тех 9 А; 3 курстар арасында І орын- 3 Зем 9 А; ІІ орын-3 То и Рем 9 А; ІІІ орын-3 Вет 9 А иеленді. 

Қазақстан Республикасы Сыбайлас жемқорлыққа қарсы іс-қимыл агенттігінің (Сыбайлас жемқорлыққа қарсы қызметі) Алматы облысы бойынша департаментінің ұйымдастыруымен 02.11.21-13.11.21 аралығында «Сыбайлас жемқорлыққа қарсы мәдениетті қалыптастыру» тақырыбында өткізілген эссе және өлең байқауына колледжімізден барлығы 4 (төрт) білім алушымыз қатысып, оның ішінде 1 Прог 9 В тобының білім алушысы Бутова Екатерина лауреат атанып, департамент тарапынан «Мадақтау қағазы» және сыйлыққа смарт сағатымен марапатталды.