20.11.2019 күні ҚР дін саласындағы мемлекеттік саясатының 2017-2020 жылдарға арналған ТҰЖЫРЫМДАМАСЫ, діни эсктремизм мен терроризмге қарсы іс-қимыл жөніндегі 2018-2022 жылдарға арналған мемлекеттік бағдарламасы және «ЖАСТАР ЖЫЛЫ» аясында Талғар агробизнес және менеджмент колледжі білім алушылары арасында ұйымдастырылған ақпараттық-түсіндіру жұмыстарына Алматы облысы әкімдігі, «Алматы облысы дін істері басқармасы» мемлекеттік мекемесі, «Дін саласындағы мәселелерді зерттеу орталығы» коммуналдық мемлекеттік мекемесі директоры Адетбеков Нұрлан Байғожаұлы, бөлім басшылары Игенбай Айдос Назкенұлы, Бабатай Айбек Серікбайұлы, инспекторлары Түрліқожа Ақнұр Еркінқызы, Мүтебаев Қанат Маратұлы, Медеубекова Эльмира Сайдахметқызы, Байгонысова Зарина Жайыққызы, Шеряздан Мұхит, Қалыбаев Еркебұлан, Алашбаев Байбосун қатысуымен түсіндіру жұмыстары жүргізілді. Кездесу барысында «Жастар мен дін: бүгіні мен болашағы» тақырыбында кездесу, «Жастар тәрбиесі және дін» фокус топ, «Экстремизм мен терроризмге жол жоқ» сурет көрмесі және ақпараттық түсіндіру жұмыстары жүргізілді.

2019 жылдың қараша айының 6 жұлдызында Қазақстан Республикасы Сыбайлас жемқорлыққа қарсы іс- қимыл Агенттігінің Алматы облысы бойынша Департаменті тарапынан тоқсан сайын облыс көлемінде өткізілетін, Талғар агробизнес және менеджмент колледжінде "Саналы ұрпақ" клубымен ұйымдастырылған "Адалдық сағаты" атты отырыс болып өтті.

Құрметті жайдарман сүйер қауым!

М.Бейсебаев атындағы Талғар агробизнес және менеджмент колледжінде кезекті жыл сайынғы колледж білім алушылар арасындағы "Ел ертеңі - жалынды жастар" атты «Жайдарман-2019» көңілді тапқырлар сайысынан КОЛЛЕДЖ КУБОГЫ сарапқа салынады. 

МАҚСАТЫ: Ел болашағы, жас буын өкілдеріне жан-жақты қолдау көрсетіп, қоғам өміріндегі белсенділігін арттыру, колледж білім алушылары арасында «Жайдарман» ойындарын насихаттау, жастардың шығармашылығына қолдау көрсету, бос уақыттарын тиімді пайдалануларына ықпал ету, колледж білім алуышыларының қоғамдағы орындарын нақтылау. 

ҰЙЫМДАСТЫРУШЫЛАР Талғар агробизнес және менеджмент колледжінің «Жастар ісі жөніндегі комитет», «Жайдарман» көңілді тапқырлар сайысының жетекшісі.

ҚАЗЫЛАР АЛҚАЛАРЫ: Қазақ эстрада жұлдыздары, колледж әкімшілігі, т.б .

ЖАРЫСҚА ҚАТЫСУШЫЛАРҒА ҚОЙЫЛАТЫН ШАРТТАР

1. Сәлемдесу (7 минутқа дейін). Бұл бөлімде қатысушы командалар оқитын топтарын және өз командасын әзілмен таныстырады. Команданы әділ-қазылар алқасы 2-ден 5-ұпайға дейін бағалайды.

2. Бес жаңалық. Әр команда қызықты әзіл айтулары керек.

ӨТКІЗІЛУ ОРНЫ МЕН УАҚЫТЫ

Жайдарман ойыны 2019жылдың қараша айының 14 күні, Талғар агробизнес және менеджмент колледжінің мәденет үйінде өткізіледі. Редакторлық жұмыс: 2019жылдың 12-13 қараша күндері Талғар агробизнес және менеджмент  колледжінің мәденет үйінде сағат 12:00де өткізіледі.

Басталуы: 14 қараша сағат 14.00 де.

Редакторлық жұмыс бойынша қосымша ақпарат: 87076551061 №328 кабинет

Жүректерді жырға бөлейтін, жастық шақтың жалынына бүгін тағы бір мерекенің отын лаулатып, 2019-2020 оқу жылының " студенттер қатарына қабылдау" рәсімін атап өтуге, барша аталмыш колледж оқытушыларымен, студенттерімен және қадірлі қонақтармен, әрине сонымен қатар ардагер ұстаздармен бас қостық. "Студенттің басты мақсаты- білім алу, болашақ маман иесі атану",- деп сөз алған колледж директоры, барша студенттерді бүгінгі атаулы күндерімен шын жүректен құттықтап, арнайы студенттік билеттерін, сынақ кітапшаларын салтанатты түрде табыстады. Білім алушылар, ұрпақтан ұрпаққа жалғасын тауып келе жатқан "ант қабылдау" рәсімінде ұмыт қалдырмады. Бұл атаулы мерекеге келген кеш қонақтары мен ардагер ұстаздар сөз алып, студенттік қызықты кезеңдерді еске алып, жылы лебіздерін білдірді. Атаулы мереке- білім алушылардан құралған хор, ән-биге ұласты.