Талғар агробизнес және менеджмент колледжінде «Білім» тақырыбы аясында, 2021 жылғы қыркүйек айында  Қазақстан Тәуелсіздігінің 30 жылдығы шеңберінде мерекелік іс-шараларды өткізу жөніндегі әдістемелік ұсынымдарды пайдалана отырып, «Тәуелсіздік жетістіктері» ашық тәрбие сағаты өткізілді. Ашық тәрбие сағаты барысында Тәуелсіздік жылдарындағы мемлекеттік құрылыстың негізгі нәтижелері мен болашағы туралы, сондай-ақ Қазақстан Республикасының Тұңғыш Президенті — Елбасы Н.Ә.Назарбаевтың тәуелсіз мемлекетті нығайтудағы тарихи рөлі туралы айтылды.

Мемлекеттің қалыптасуына және аймақтың дамуына жеке үлес қосқан, Талғар ауданының Құрметті азаматы, «Қазақстан Республикасының Білім беру ісінің құрметті қызметкері» төсбелгісінің және «Халық мұғалімі» медалінің иегері, ақын-сазгер, Талғар ауданы тіл оқыту орталығының директоры Қамнұр Тәлімұлы ашық тәрбие сағатының құрметті қонағы болды. Өз кезегінде Қамнұр Тәлімұлы білім алушылардың азаматтық сана-сезімін қалыптастыру, Отан тағдыры үшін жауапты сезімді күшейту жолында қазақстандық патриотизм мен азаматтыққа тәрбиелеу басты назарда екенін атап өтті.

Dim lights Embed Embed this video on your site

Қыркүйек айының он үшінші жұлдызында Қазақстан халқы тілдері күні қарсаңында және Қазақстан Республикасы Тәуелсіздігінің 30 жылдығына орай рухани құндылықтарды насихаттау, білім алушыларды Отансүйгіштікке тәрбиелеу, мемлекеттік тілдің мәртебесін көтеру, сонымен қатар «Оқушылар мен студент жастардың дебаттық қозғалысы» жалпыұлттық мәдени-білім беру жобасының тұжырымдамасы аясында, колледжіміздің «Dispute wise» дебат клубының ұйымдастыруымен «БП жастардың шет тілін меңгеруі дұрыс деп есептейді» қарарында дебат ойыны өткізілді. Пікір –сайыс барысында Оразәлі Таңшолпан Еділқызы, Майтен Аружан Қабыланқызы, Есембаева Дана Бекжановна, Смайл Күмісаянжан Майрқызы атты білім алушыларымыз ойынның жақсы деңгейде өтуіне бар күштерін салған болатын.

Қыркүйек айының 10-шы жұлдызында Қазақстан халқы тілдері күні қарсаңында және Қазақстан Республикасы Тәуелсіздігінің 30 жылдығына орай рухани құндылықтарды насихаттау, білім алушыларды Отансүйгіштікке тәрбиелеу, мемлекеттік тілдің мәртебесін көтеру, сонымен қатар «Оқушылар мен студент жастардың дебаттық қозғалысы» жалпыұлттық мәдени-білім беру жобасының тұжырымдамасы аясында, колледжіміздің «Dispute wise» дебат клубының ұйымдастыруымен дебат ойыны өткізілді.

Қыркүйек айының жетінші жұлдызында «Халық бірлігі және жүйелі реформалар – ел өркендеуінің берік негізі»атты Қазақстан Республикасының басшысы Қасым-Жомарт Тоқаевтың Қазақстан халқына Жолдауындағы басты жайттарын үйрену мен жүзеге асыру бойынша 2021-2022 оқу жылына арналған іс-шаралардың жоспарыаясында, оқытушылар мен білім алушыларға жолдауындағы басты жайттарын талқылау мақсатында колледж Мәдениет үйінде іс-шара өткізілді. Іс-шара барысында білім алушыларының атынан, жолдауға қолдау ретінде баяндамасымен 3 Жерге орналастыру 9 А тобының білім алушысы Дүйсембай Айдын және 2 Бухгалтерлік есеп және аудит 9 В тобының білім алушысы Болдырева Александра және колледжімізге 2021-2022 оқы жылында жаңа қабылданған, бүгінгі жас маманымыз, болашақта білікті ұстаздыққа жол бастаған Отыншы Ербол Нұрланұлы қатысқан болатын.