Бүгін, Талғар АПБ-ның ЖПҚБ ЮПТ учаскелік полиция инспекторы, полиция капитаны Жармаханов Нұрлан Нұрманұлы және директордың тәрбие ісі жөніндегі орынбасары Садвакасова Сауле Ануарбекқызы "Әлімжеттік: бұл әдепсіздік пе, әлде"ӘДЕТ"пе?" атты тақырыпта колледжіміздің 1,2,3 курс білім алушыларымен кездесу ұйымдастырылды.

Қыркүйектің 2-сі күні Қазақстан парламенті палаталарының бірлескен отырысында президент Қасым-Жомарт Тоқаев халыққа алғашқы жолдауын жолдады. Осыған орай колледжіміздің мәдениет үйінде оқытушылар мен білім алушылар мемлекет басшысы Қасым-Жомарт Тоқаевтың алғашқы жолдауын бірге тамашалап, талқыланды. Тоқаев Қазақстан жаңа тарихындағы маңызды белеске жақындап келе жатқанын атап өтті. "Отыз жылға жуық уақыт бұрын халқымыз өзінің тәуелсіздігін жариялап, бабаларымыздың ғасырлар бойы аңсаған арманын орындады. Осы уақыт ішінде Қазақстанның тұңғыш президенті Елбасы Нұрсұлтан Назарбаевтың басшылығымен еліміз әлемдегі беделді әрі орнықты мемлекетке айналды. Баянды бірлігіміздің арқасында тәуелсіздігімізді нығайтып, халқымыздың жағдайын жақсартуға жол аштық. Бұл жасампаздық пен ілгерілеу бейбітшілік пен келісім кезеңі болды. Еліміздің даму жолын бүкіл әлем мойындап, қазақстандық, яғни Назарбаев моделі деп атады", - деді президент Қазақстан халқына жолдауында.

2019 жылдың қыркүйек айының 1-і күні колледжімізде студенттер үшін алғашқы қоңырау соғылды. "Саналы ұрпақ - жарқын болашақ" атты тақырыпта мерекелік концерт өтті. Мерекеге колледж ұжымы, студенттер, ата-аналар қатысты. Білім күні мерекесіне арналған салтанатты жиын мемлекеттік әнұранмен ашылып, алғашқы құттықтау сөз колледж директорының орынбасары Бозымбекова Динара Боларбекқызына берілді. Салтанатты жиын барасында оқытушыларды, ата-аналарды және колледж табалдырығын алғаш рет аттап отырған 1 курс студенттерін 1-қыркүйек Білім күнімен, жаңа оқу жылының басталуымен құттықтап, еліміздің болашағы - білімді де білікті, алғыр әрі жалынды жастар қолында екенін айырықша атап өтті. Студенттерге жаңа шындарды бағындыру жолында сенімділік, қайраттылық және жігерлілік, ал оқытушыларға шыдамдылық, шығармашылық құлшыныс тілейміз! Сонымен қатар топ кураторлары 1 курс студенттерін колледждің ішкі тәртіп ережесімен, оқу кестесімен, оқытушыларымен таныстырды.Студенттердің білім жолына басқан алғашқы тың қадамдарына сәттілік тілейміз!!!

Қымбатты біздің киелі шаңырағымыздың білім алушылары! 1 қыркүйекте Білім күніне және жаңа 2019-2020 оқу жылының басталуына арналған салтанатты жиын өтетінін хабарлаймыз! Осы жылы жиын жексенбі күні өтеді, бұл ата-аналарға салтанатты жзиынға белсенді қатысуға мүмкіндік береді. Бұл күн біздің колледждің табалдырығын алғаш рет аттайтын, жаңа дағдылар және құзыреттіліктер мен мамандықтар әлеміне енетін барлық бірінші курс студенттері үшін ерекше болмақ. Әр топта "Саналы ұрпақ - жарқын болашақ" азаматтық және патриоттық сабақтары өтеді, сондай-ақ топ жетекшілері білім алушыларға колледждегі оқу-тәрбие үрдісінің ерекшеліктері туралы мағлұмат береді.